lsm.lu: Home

News | Archiv

Bayreschen Owend mat Brauereibesichtegung

04. june 2012

Den 5. Mee, organiséieren mir rëm eisen Bayreschen Owend.
Mir treffen eis am Löwenbräukeller (Nymphenburger Straße 2) wou mer een bayreschen Plat zerwéiert kréien; dëst Joer hutt der ausserdeem d'Méiglechkeet virdrun nach d'Löwenbrauerei mat eis besichtegen ze goen.

Rendezvous hunn mer am Restaurant um 8 Auer, fir déi déi mat an d'Brauerei ginn ass den Treffpunkt natierlech schonn méi frei. Méi Infoen zur Besichtegung kréien déi déi sech dofir ugemellt hunn an enger Mail.
D'Iessen kascht iech 5€ wann der an der Tracht kommt, soss 10€; d'Besichtegung kascht näischt.

Zur Umeldung:
-D'Umeldungen sënn bei dësem Event op 40 Leit fir d'Iessen an 30 Leit fir d'Besichtegung begrenzt. Deen Éischten ass hei fir, wann der ze spéit waart kritt der dat per Mail matgedeelt.
-Eng Umeldung nëmmen fir d'Besichtegung ass net méiglech.
-D'Umeldung leeft bis den 1 Mee per Mail
-Denkt bei der Umeldung w.e.g. drun ze soen ob der mat d'Brauerei kucken gitt oder net.
Falls der gär een vegetareschen Plat hätt deelt eis dat och mat.

Münchner Bal 2012

12. april 2012

Wéi all Joers fënnt eisen Münchner Bal och 2012 op Ouschtersonndeg am Melusina statt.

Mer servéieren frësch gezaapten Augustiner Béier (nëmmen um Stand vum LSM, net hannert der Bar vum Melu!). Lass geet et ëm 22h00 bis dee läschten ëmfällt. ;) Mer freeën eis wann der all kommt. :)

Ticketen gëtt et an der Aula, am Pitcher, a bei LSM-Memberen ab dem 19. März!
Virverkaf 6€ / Oweskees 8€ -> Leit an der Tracht kommen gratis eran.

Flyer am Groussen!

Internetsäit gett iwweraarbescht

28. march 2012

Aktuell besetzt eis Internetsäit net all déi Informatiounen déi mär iech zur Verfügung stellen wëllen,
well se momentan iwwerschafft gëtt.

Dofir wann dir Froen hutt zeckt net eis eng Email ze schécken

Mat hëllef vum Link :

Eis Kontaktéieren

Chrëschtfeier

22. december 2011

Den 10. Dezember ass eis traditionell Chrëschtfeier. Mir treffen eis um 20:00 Auer am 1. Schwabinger Kartoffelhaus wou mir zesummen iessen.
Den Kleeschen kennt eis dann och besichen an et ginn Geschenker verdeelt.

Virdrun treffen déi déi Loscht hunn sech nach op en Glühwäin um Schwabinger Weihnachtsmarkt. Treffpunkt ass hei 18:30 beim Karstadt op der Münchner Freiheit.

D'Umeldung leeft bis den 1. Dezember als Email op comite.lsm@googlemail.com. Weider Infoen kritt dir per Mail.

Welcome Day 2011

18. november 2011

Lo wou dat neit Semester ugeet, start och déi nei LSM-Saison, traditionell steet lo gläich eise Welcome Day virun der Dir. Dëst Joer ass deen de 5. November an der Max-Emanuel-Brauerei, déi fannt der an der Adalbertstr. 33.
De Welcome Day ass do fir dass eis Erstis souwuel München e bësse kenne léiere wéi och di aner Memberen aus dem Club. Mëttes hunn mer dofir e klenge Rallye mat Spiller duerch München organiséiert. Treffpunkt ass um 13h45 um Odeonsplatz bei der Feldherrenhalle.

Fir d'Iessen treffe mer eis Owes um 20h00 an der Max-Emanuel-Brauerei. Falls der Loscht hutt ze kommen, dann zéckt net iech beim Comité unzemellen. Dir kennt iech entweder fir de Rallye an fir d' Iessen umellen, oder och just fir d'Iessen. Sot eis einfach just bis den 28ten Oktober Bescheed an deem der eis eng E-Mail op comite.lsm@googlemail.com schéckt.

Fir all déi, déi net um Welcome Day kënnen dobäi sinn, an awer wëlle matkréie wat mer am Lsm sou maachen, schreift eis eng Mail fir datt mer Iech an eis Mailinglëscht androe kënnen. Mir hoffen dass der alleguer zahlreich kommt souwuel Mëttes, wéi och Owes.