Beerpong-Liga

Datum/Zeit
Date(s) - 04/11/2019 - 19/01/2020
00:00

Kategorien


De LSM-Comité organiséiert dëst Joer eng Beerpong-Liga, déi vun Ufank November bis Januar geet. Gespillt gëtt 2 vs 2. All Woch kritt är Equipe en neie Géigner. Entweder spill der bei iech an der Wunneng, beim Géigner an der Wunneng oder op enger neutraler Platz. De Standuert mussen déi zwou Equipe ënnert sech ausmaachen.
Am Fall wou der kee Beerpongdesch organiséiert kritt, hëllefe mer iech een opzedreiwen. Schreift bei der Umeldung w.e.g är E-mail Adress oder Handynummer an de Kommentar an den Numm vun ärem Partner. Mat der Umeldung gitt der eis d’Averständnis dass mer ärem Géigner är Informatioune kenne weiderginn.
Mir wëssen dass zu München mat ganz verschiddene Reegele Beerpong gespillt gëtt. Dofir hunn mer probéiert en Kompromëss ze fannen an hunn d’LSM Reegelen opgestallt. Dier kennt iech awer als Equipe eens ginn op der di Reegele wëllt benotzen oder eng adaptéiert Versioun dovun. Hei wier et am beschten dat virun äre Matcher ze decidéiere fir all Streiderei aus dem Wee ze goen. Mir brauchen um Enn vun der Woch ee Resultat wien d‘ Partie vir sech entscheet huet. Och hei ass iech fräi iwwerlooss méi Partië pro Renconter ze spillen (Best of 3,5,7 etc.). Och hei wier et natierlech am beschten dat virum Ufank ze decidéieren.

Allgemeng Beerpong Reegelen:
• All Spiller aus dem Team werft jeeweils ee Ball pro Spillzuch
• Bäll di obtuppen, dierfen ofgewiert ginn
• All getraffene Becher muss ausgedronk ginn
• Et gëtt mat 10 Becheren ob all Säit gespillt
• De Ball däerf net aus dem Becher geblose ginn
• All Team spillt mat engem Liter Béier pro Partie
• All Equippen däerf d’Becheren 2 mol pro Partie ëmsetzen. Déi éischte Kéier Ëmsetzen ass awer eréischt ab 6 restleche Becheren erlaabt.
• Dënn Ielebou muss beim Worf ëmmer hannert der Dëschkannt bleiwen
• Prallt ee Ball bei engem Worf of a rullt iwwert d’Mëttellinn, kritt dat Team wat geworf hutt en sougenannten Trickshot. Dësen däerf och nodeems en obgetuppt ass NET ofgewiert ginn. Gett dobäi en Becher getraff, muss nëmmen dee Becher gedronk ginn
• Et gëtt ouni „Death Cup“ gespillt
• D’Bechere ginn direkt(!) fortgeholl a gedronk
• Gett en Becher mat engem Obtupper getraff, mussen 2 Bechere gedronk ginn
• Gett nëmmen 1 Becher pro Spillzuch getraff, muss de Géigner deen ausdrénken a vum Spillfeld huelen.
• Ginn an engem Spillzuch 2 verschidde Bechere getraff, mussen di 2 ausgedronk a vum Spillfeld geholl ginn. Zudeem erhält dat Team wat geschoss hutt 1 Ball zréck an dierf nach eng Kéier werfen
• „Redemption“ Reegel! Wenn de leschte Becher getraff ginn ass, kann de Géigner soulaang weider werfe bis hien eng Kéier net trefft. Bleift dann nach ob mannst ee Becher stoen, huet dëst Team leider verluer a muss all di restlech Becheren ob dem Spillfeld ausdrénken.

Äre Comité

Bookings

Fir dës Aktivitéit kann ee sech net méi/nach net umellen.